Plantun de Prouvènço

Pèr coumpara dos planto d'encò nostre

Helianthemum syriacum & Lilium martagon

Helianthemum syriacum

Cistaceae

Noms en français : Hélianthème à feuilles de lavande, Hélianthème de Syrie.

Descripcioun :
La massugueto-de-Sirìo es un pichot aubret que trachis dins li garrigo à roumanin proche de mar, sus marlo, argielo o cauquié douloumitique. Li ramo soun argentado e se roumpon eisa. Li fueio, pelouso, soun proun envertouiado sus lou dessouto e longo de 2,5 à 4 cm. Fai de poulido e pulèu gròssi flour jauno amé de petalo pu longo que li sepalo. Se vèi soulamen en basso Prouvènço, coume à l'entour de Marsiho.

Usanço :
Li massugueto èron acampado en Espagno pèr la farmacìo tradiciounalo e soun couneigudo pèr lucha contro li microbe (poulifenòu).

Port : Aubret
Taio : 15 à 50 cm
Fueio : óupousado
Tipe bioulougico : Camefite
Cicle bioulougico : Planto renadivo

Gènre : Helianthemum
Famiho : Cistaceae

Ordre : Malvales

Coulour de la flour : Jauno
Petalo : 5
Ø (o loungour) flour : 1,5 à 2 cm
Flourido : Printèms - Estiéu

Sòu : Ca
Autour basso e auto : 0 à 100 m
Aparado : Noun
Mai à juilet

Liò : Garrigo
Estànci : Termoumediterran à Mesoumediterran
Couroulougi : Éurimediterranenco
Ref. sc. : Helianthemum syriacum (Jacq.) Dum.Cours., 1802 (= Helianthemum lavandulaefolium DC. )

Martagoun

Lilium martagon

Liliaceae

Noms en français : Lis martagon, Racine d'Or.

Descripcioun :
Tras que poulido planto de nòsti mountagno que pòu flouri fin qu'à mai de 2500m d'auturo. Se recounèis evidentamen à si gròssi flour roujo picoutado e à si fueio verticilado pèr 5 e mai.

Usanço :
La cabosso èro manjado li tèms de carestié. A l'ouro d'aro soun li senglié que se n'en cargon alor que li cabróu esbrouton li fueio. Lou martagoun èi vertuous contro lou mau d'os, es un remoulissènt di car. Evidentamen lou fau pas acampa qu'es uno planto urousamen proutegido.